.jpg)
.jpg)
.jpg)
उद्घाटन खेलमा कर्णाली यशविस र पोखरा निन्जाज भिड्ने
एभरेस्ट महिला भलिबल लिग (इडब्लूभी) को दोस्रो संस्करण यही भदौ २० गते (शुक्रवार)देखि पोखरामा सुरू हुँदैछ। उद्घाटन खेलमा साविक विजेता कर्णाली यशविस र पोखरा निन्जाज आमनेसामने हुने भएका छन्। खेल दिउँसो २ बजेबाट बहुउद्देश्यीय कभर्डहलमा हुनेछ।
त्यसपछि दिउँसो ४ बजे हुने दोस्रो खेलमा साविक उपविजेता ललितपुर क्विन्स र मधेश युनाइटेड भिड्नेछन्।
इन्फिनिटी ड्रिम्स प्रा. लि. को आयोजनामा हुने यो प्रतियोगिता भदौ २० देखि २८ गतेसम्म चल्नेछ। प्रतियोगितामा ६ फ्रेन्चाइज टोली—कर्णाली यशविस, ललितपुर क्विन्स, काठमाडौं स्पाइकर्स, मधेश युनाइटेड, लुम्बिनी लाभाज र पोखरा निन्जाज—बीच प्रतिस्पर्धा हुने आयोजकले जनाएका छन्।
